Cuarto volume da Biblioteca Lovecraft con dúas historias máis do chamado Ciclo de Cthulhu. A primeira historia, A sombra sobre Innsmouth, é unha das novelas curtas máis coñecidas e admiradas do autor, e versa sobre os Profundos, esas criaturas adoradoras de Cthulhu e Dagon, que mesturan o seu sangue co dos humanos nas costas máis isoladas e recónditas do mundo. A segunda, O que asexa na escuridade, é unha secuela de The Shambler from the Stars, de Robert Bloch, quen á súa vez escribiu unha terceira historia máis tarde continuando a de Lovecraft, titulada The Shadow from the Steeple.